ئیمام ناصر محمد یەمانی
04 - ذو لحجە - 1435 کۆچی
30 - 08 - 2014 زایینی
02:32 ئێوارە
(بەپێی ساڵنامەی فەرمی مەککە دایکی دێیەکان)

[بۆ بەدواداچوونی بەستەری سەرەکی بەشداری بەیانەکە]
https://nasser-alyamani.org/showthread.php?p=157263
ـــــــــــــــــــ

بەخشینی بەندەکانی گەورەترین نیعمەتەکە (عبيد النّعيم الأعظم) بریتی یە لە گەورەترین بەخشین لە کتێبدا لەبەرئەوەی ئەوان ھەرگیز ڕازی نابن بەمەلەکوتی پەروەردگارەکەیان لە ڕۆژی دوایی ھەتا ئەوکاتەی اللە ڕازی دەبێت جا ھەروەکو ئەوەیە ئەوان ھەموو مەلەکوتی پەروەردگارەکەیان بەخشیوە..


بەناوی الله ی لەھەموو میھرەبان و بە بەزەییەکان میھرەبانترو بە بەزەییتر، دروودو سڵاو لەسەر سەرجەم نێردراوو پێغەمبەرەکان و کەس و کارە چاکەکانیان و ئەوەشی شوێنیان کەوتووە بەچاکە تاکو ئەو ڕۆژەی اللە لێپرسینەوە لەگەڵ بەندەکانیدا دەکات لەسەر ئایینەکەیان، لەدوای ئەوە..

ئایا گەورەترین قازانجی بەیعەتتان پێ بڵێم لەکتێبەکەی اللە؟ ئاگاداربن ئەوانە بریتین لەوانەی ھەموو مەلەکوتەکەی اللە یان بەخشیوە! ئەو کەسانەی ھەستدەکەن لە ناخ و دەروونیاندا ھەرگیز ڕازی نابن بەمەلەکوتی ئەو بەھەشتەی پانتاییەکەی ھێندەی پانتایی ئاسمانەکان و زەویە ھەتا ئەوکاتەی پەروەردگارەکەیان خۆشەویستی دڵەکانیان ڕازی دەبێت؛ ئەوانە لەلای اللە وەکو کەسانێکن کە ھەموو مەلەکوتی پەروەردگارەکەیان بەخشی بێت. لەبەرئەوەی اللە شاھێدە بەوەی هەرگیز اللە ڕازیان ناکات بە ھەموو مەلەکوتەکەیشی ھەتا ئەوکاتەی اللە ڕازی دەبێت جا ئەمە بریتی یە لە گەورەترین ڕێزو چاکەی بەیعەت لەکتێبەکەی اللە بەھەموو شێوەیەک کە اللە دەیدات بەوکەسەی خۆی دەیەوێت، وە بەڕاستیش اللە داویەتی بەو گەلەی اللە خۆشیدەوێن و ئەوانیش ئەویان خۆشدەوێت (قوم يحبّهم الله ويحبّونه) ، جا لەوان ھەیە کەوا دەبەخشن وەھەشیانە موجاھیدو تێکۆشەرن بە بانگەوازکردنی حەق بۆ لای پەروەردگارەکەیان لەسەر بەڵگەو بەرچاوڕوونی لەپەروەردگارەکەیانەوە کە لە لۆمەی لۆمەکاران ناترسن ئەمەش ڕێزو چاکەیەکە اللە دەیدات بەو کەسەی خۆی دەیەوێت. بەپشتڕاستکردنەوەی ئەم فەرموودەیەی اللە ی پایەبەرز: {يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلا يَخَافُونَ لَوْمَةَ لائِمٍ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ وَاسِعٌ عَلِيمٌ} صدق الله العظيم [المائدة:54].

جا ئایا (لە ئایەتەکەدا) دەبینن تێیدا باسی نیعمەتەکانی بەھەشت ھاتبێت؟ بەڵکو تەنھا باسی ئەوانە کراوە کە اللە خۆشیدەوێن و ئەوانیش ئەویان خۆشدەوێت (يحبّهم الله ويحبّونه)! پاشان اللە وەسفی ئەوەی کردووە بەوەی ئەمە ڕێزو چاکەیەکی اللە یە؛ بەڵکو گەورەترین ڕێزو چاکەیە لە کتێبەکەی، وەھەر لەبەرئەمەش ھەرگیز ئەوان ڕازی نابن ھەتا ئەوکاتەی اللە ڕازی دەبێت.

وە نکۆڵیش لەوە ناکەین کەوا نێردراوو پێغەمبەرەکان و پشتیوانە چاکەکارە پێشکەوتووەکانیان بەھەمان شێوە لەدڵیاندا گەورەترین و زۆرترین و توندترین خۆشەویستیان بۆ اللە بووە وەکو پشتیوانەکانی ئیمام مەھدی، بەڵام اللە منەتی کردووە بەسەر ئەم ئوممەتەدا بەوەی لەناویاندا ئیمام مەھدی ڕەوانەکردووە تاکو ڕاستی ناوی ھەرە گەورەی اللە (اسم الله الأعظم) یان فێربکات بەوەی سیفەتێکی ڕاستیە بۆ ڕازی بوونەکەی اللە لەسەر بەندەکانی، جا ئەوانیش ناخیان پێی دڵنیابووە جا ئەوەیان بەدی کردووە بەوەی ڕازیبوونەکەی اللە لەسەر بەندەکانی بەڕاستی بریتی یە لە گەورەترین نیعمەت (النّعيم الأعظم) کەوا گەورەترە لە نیعمەتی بەھەشتەکەی. بڕیارەکەش کۆتایی بپێھات سەبارەت بەوانە جا ھیچ پاشەکشەکردنێک نیە لێی بۆ دواوە، وەھەرگیزیش بەشتێکی تر نایگۆڕنەوە بۆ ھەمیشە نەلەدنیا نەلە دوایی. بەھەمان شێوە ھەرگیز ڕازی نابن بۆ ھەمیشە ھەتا ئەوکاتەی پەروەردگارەکەیان خۆشەویستی دڵەکانیان ڕازی دەبێت لەنەفسی خۆی بەوەی چیتر نەبەحەسرەت بێت نە خەفەتبار.

جا بەڕاستی ئەوان زانیویانە بەوەی اللە توڕە دەبێت و ڕازی دەبێت وە کەیف خۆش و ئاسودەو خۆشحاڵ دەبێت و خەفەتباریش دەبێت ھەر لەبەرئەمەش ھەرگیز ڕازی نابن بە مەلەکوتی پەروەردگارەکەیان ھەتا ئەوکاتەی اللە ڕازی دەبێت. وە سوێند بە اللە بەڕاستی ھەموو یەکێکیان ئاوات و خۆزگەی ئەوە دەکات کە ئەگەر بێتو اللە مەلەکوتی دنیای پێبدات ئەوا بیبەخشێت لەپێناوی اللە لەبەر حەزی خۆشەویستی پەروەردگارەکەی و نزیکبوونەوە لێی وە بۆ ھاتنەجێی گەورەیی نیعمەتی ڕازیبوونی نەفسی پەروەردگارەکەی ھەتا ڕازی دەبێت، جا چەندە گەورەیە ڕێزو پلەو پایەو پێگەکانتان لەلای پەروەردگارەکەتان ئەی گەلی بەندەکانی گەورەترین نیعمەتەکە، خۆشم دەوێن لەبەر اللە.

وە دروودو سڵاو لەسەر نێردراوو پێغەمبەرەکان سوپاس و ستایشیش بۆ اللە ی پەروەردگاری هەموو جیهان
براتان؛ ئیمام مەھدی ناصر محمد یەمانی.
ــــــــــــــــــــــ
المشاركة محذوفة أو لا توجد أصلاً، رجاء مراسلة الإدارة.